La sala enllenóse
el pasáu sábado trece de febrero pa recibir a la banda norteamericana ‘Altas
Road Crew’. Nin el frión anunciáu, nin les munches celebraciones d’antroxu alredor
nuestru, nin lo mozu de la banda mermaren la venida de los incondicionales en Valles.
Paez ya un fechu confirmáu la presencia de numerosu públicu en cada conciertu, independiente
del estilu o de las bandes que lleguen a tocar. Ye una prueba de la confianza
que los socios y simpatizantes tienen ya ena programación seleccionada desde l’asociación,
que presta munchu.
Estos cinco rapazos del sur de los Estaos Uníos, ventiañeros toos y tornaos en banda malapenes va cuatro años, cuando estudiaben ena universidá, demostraren -magar la poca edá- tener profesionalidá, saber estar encima y debaxu de los escenarios y un verdaderu entusiasmu polo que faen. Empezaren como casi toos, faciendo versiones que-yos prestaben y tocando en pequeños barucos cerca de so casa, pa ensiguida echase a componer, editar un par de discos y cola buena acoyida que recibieren, tomar en seriu lo de tocar nuna banda. Tán acabando ya una xira europea que los llevó per tou el continente - 11 feches los esperen per España- y muestrense encantaos cola esperiencia. Lóxicu y normal.
Estos cinco rapazos del sur de los Estaos Uníos, ventiañeros toos y tornaos en banda malapenes va cuatro años, cuando estudiaben ena universidá, demostraren -magar la poca edá- tener profesionalidá, saber estar encima y debaxu de los escenarios y un verdaderu entusiasmu polo que faen. Empezaren como casi toos, faciendo versiones que-yos prestaben y tocando en pequeños barucos cerca de so casa, pa ensiguida echase a componer, editar un par de discos y cola buena acoyida que recibieren, tomar en seriu lo de tocar nuna banda. Tán acabando ya una xira europea que los llevó per tou el continente - 11 feches los esperen per España- y muestrense encantaos cola esperiencia. Lóxicu y normal.
La banda presentó
en Valles el so repertoriu de dos discos y daqué versión. Un rock mui auténticu,
construíu sobre la base de la tradición del rock sureñu, el progresivu y el
folk de l’americana, xunta toques más modernos y oscuros de los 90. En directu,
la banda furrula y resuelve n’escenariu como un grupu veteranu. Llegaben a
España depués de dar vueltes per cinco países y eso notóse ena fluidez y
comodidá que mostraren enriba les tables. El compositor de munchos de los
temas y vocalista, Taylor Nicholson, rescampló por una voz resgada y penetrante,
flexible, consiguiendo en cada tema que la banda lu siguiese y arropase de
manera compacta. Buen xuegu de guitarres, ente l’acompañamientu del vocalista y
el incisivu guitarra solista, en guardia tou el conciertu pa marcase daqué solo
ente los ellaboraos riffs. Uníos a ellos, una base rítmica mui cumplidora, con
un batería precisu y reciu y un baxista correctu. Y finalmente, un teclista que
era buen acompañante y un pocu funky completó la formación ena que tou salió rodáu.
‘Atlas Road’ son una banda de directu, asina se definen y asina lo percanciamos
en Valles, onde disfrutamos a base de bien de la improvisación enos solos, de
los finales allargaos, obsesivos y espesos, tan progresivos, de les versiones
stonianes y hasta de la intro santanera que llantó’l guitarra solista nel
tiempu de los bises, ya col públicu ganáu y metíu en bolsu. Un conciertu bien
prestosu y un amor mutuo el surgido y declarado entre los vieyonos de la
AMCBocanegra y los rapazos de ‘Atlas Road Crew’, a los que yos deseamos lo
meyor enes sos vueltes pel mundu.
Pal restu, vemonos
en Valles.
Conchi Gálvez
Versión
asturiana: Miguel Isla Viesca
No hay comentarios:
Publicar un comentario