Otra
fantástica nueche que cayó derecha nel sacu de les que nun olvidaremos.
Auténtica fusión ente públicu y músicos. Había gana per ambes partes, y creo
que les dos quedaren recompensaes dafechu. Y ya que tamos falando de recompenses,
la primera llegómos de la mano de los GrooveTrotters, que supieren poner la
temperatura ideal, asegúrovos que la dexaren bien alta, pa recibir a les
estrelles de la nueche. Por fin tuvimos el placer de tener en Valles a ún de
los grandes grupos de música negra d’esti país, que por ciertu tuvieren
reconocimientu internacional munchu primero de que se yos diera per estes
tierres.
Ún de
los grupos pioneros, de los primeros grupos que mos impactaren col so soníu,
con esa fantástica voz, que mos dexó a toos plasmaos cola boca abierta. Pos toa
esa maquinaria n’acción, era lo que echaba a andar nuna nueche que nun olvidaremos
nin los d’arriba nin los d’abaxu. Perfecta simbiosis ente públicu y músicos.
Hai dellos detalles, en concretu un, que los que yá vistis a los Vandalos en
acción nun creeréis pero que fue cierta: Santi Sweetfingers, ¡bailando! Mayka,
Pletórica, la cara de felicidá de Javi era pa vela, y ya que tamos falando de
cares, les nuestres un poema. En fin, que lo dieren/dimos tou, toes y toos.
Conciertu “Infumable” porque si dibes a fumar, perdíeslo, anque solo fuera un
tema. Temón tras temón per parte d’ellos y baile tras baile per parte nuestra.
Dalgunos tovía hoi domingu tamos recalcaos.
Pa
cerrar ésta crónica, dexar por escritu les palabres que dixo Mayka Edjole la primer
vez que oyó el nombre de l’asociación: Con esi nombre, hai que facer un festival
de Música Negra ellí. Munches Gracies a toos y vémonos ena siguiente. Un placer
y que vaya bien.
Gabino Diaz (El desván del guaje)
Traducido por Miguel Isla
Gabino Diaz (El desván del guaje)
Traducido por Miguel Isla
No hay comentarios:
Publicar un comentario