Ponemos en marcha la primer edición d’un conciertu solidariu n’amcBOCANEGRA.
Les intenciones son bien clares, intentar ayudar y collaborar coles families
más necesitaes a traviés de lo que meyor sabemos facer, “la musica”. Ye una
propuesta mui acertada y que desde’l primer momentu mos entusiasmó polo que
puede significar pa la xente mas afectáu pola crisis que sufrimos.
La fecha, el sábado 28 de setiembre a les 22:30 con apertura de puertes a
les 21:00.
El cartel del conciertu componenlu dos formaciones mui estremaes, "The
Noise Dealers" son una banda local mui intensa con cares conocies pal
escenariu de Valles ya que tienen participáu n’otros conciertos con diferentes formaciones
y que despierta un interés especial el escuchalos con tou el tirón que ofrecen
los conciertos en Valles. "The Big Trouble Band" tienen un tonu más
acústicu con versiones de los 60's y 70's con tres voces espléndides, una banda
de muncha calidá que quiso, al igual que The Noise Dealers unise desinteresadamente
a esta iniciativa que de xuru repetiremos en sucesives ediciones.
El cómo y ónde son bien senciellos, deberá aportase na entrada de la sede
como mínimu un kilu de comida non perecederu o bien cinco euros. Tou ello entregaráse
íntegru a Protección Civil de Piloña que serán los encargaos de distribuir lo
recaudáu. Los alimentos repartiránse, como enantes mencionamos, a les families
más necesitaes y el dineru dirá al fondu que Protección Civil de Piloña tien
abiertu pa la compra d’una más que necesaria ambulancia.
Tamién se tien propuestu que’l que quiera pueda aportar alimentos destinaos
a animales domésticos ya que tamién-yos repercute la situación familiar na que
viven.
Como perbién espresa Nacho Sariego nel cartel del conciertu, "Nun ye
caridá, ye solidaridá".
Esperamos que tenga una gran acoyida esta actividá y que mos veamos en
Valles el día 28.
No hay comentarios:
Publicar un comentario