Cambiamos los instrumentos exóticos y les cuerdes clásiques
por otru xéneru. Ambientaos nes músiques brasileñes, con trasfondu jazzísticu,
Jurandir Santana y Vaudí Cavalcanti ofreceránmos un conciertu acompañaos de los
maestros Tony Cruz (baxu) y Carlos Manckuzo (batería). Cuartetu nativu de
primer nivel que fai escala en Valles aprovechando la xira que actualmente tán
realiando per delles ciudaes españoles.
Abordamos un estilu nunca antes escucháu na amcBOCANEGRA y
anque anteriormente se hubieren presentáu dalgunes opciones quisimos esperar pa
ofrecer daqué realmente importante, tamos avezándonos a ser bastante escoyíos
pa los artistes que mos visiten y, mui allá de ser malu, fai que mos esforcemos
en traer lo meyor de los que tenemos a mano, ensin olvidar l’esfuerzu
particular de los propios artistes que habitualmente comprenden les nuestres
limitaciones.
En definitiva, atractiva y interesante nueche la que mos
espera el próximu sábadu día 15 de xunu a partir de les 23:00 (apertura de
puertes 20:00). Personalmente pensamos que nun vos lo habríais de perder, tarán
ehí mismu… en VALLES.
No hay comentarios:
Publicar un comentario